Friday, November 22, 2013

NHM Reader - தற்போதைய நிலை

கடந்த சென்னை புத்தகக் காட்சியின்போது (ஜனவரி 2013) NHM Reader என்ற எங்களுடைய மின் புத்தக platform-ஐ அறிமுகப்படுத்தியிருந்தோம். மிகக் குறைவான பேர்களே பார்த்திருப்பீர்கள், பயன்படுத்தியிருப்பீர்கள். அதனை முன்னெடுத்துச் செல்வதில் நிறையத் தொழில்நுட்பச் சிக்கல்களை நாங்கள் எதிர்கொள்ளவேண்டியிருந்தது. குறைவான மூலதனம், குறைந்த புரோகிராமர்கள் என்ற நிலையில் இதைவிட வேகமாக எங்களால் ஒன்றும் செய்யமுடியவில்லை.

இப்போதைய நிலை:

1. ஆண்டிராய்ட் ஆப்: ஓரளவுக்குத் திருப்தியாகவே வேலை செய்கிறது. இலவசப் புத்தகங்களை டவுன்லோட் செய்யலாம்; கூகிள் பிளே வழியாகப் பணம் கொடுத்து புத்தகங்களை வாங்கிக்கொள்ளலாம். இப்போதைய பெரிய குறை, முதல் பக்கத்தில் விற்பனைக்கான புத்தகங்கள் சிலவற்றை மட்டுமே காட்ட முடிகிறது. கிண்டில் போல வரிசையாகப் புத்தகங்களை நகர்த்தி நகர்த்திப் பார்க்கும் வழிமுறை இல்லை. இது விரைவில் வந்துவிடும்.

2. ஐஓஎஸ் ஆப்: இங்கே நிறைய மாற்றங்களைச் செய்யவேண்டியிருந்தது. ஒருகட்டத்தில் ஆப்பிள் உள்ளே நாங்கள் மற்றுமொருமுறை லாகின் செய்யுமாறு கேட்கக்கூடாது என்றனர். முதல் சில வெர்ஷன்களில் அவர்கள் இந்தப் பிரச்னையை எழுப்பவில்லை. நடுவில் திடீரென்று இவ்வாறு செய்யச் சொன்னார்கள். அதாவது ஆப்பிள் லாகின் போதும், அதில் வாடிக்கையாளர் ஒரு புத்தகத்தை வாங்கிவிட்டால் அவர் அதனை எப்போதுவேண்டுமானால் படிக்குமாறு இருக்கவேண்டும் என்றார்கள். ஆனால் அப்படி ஆப்பிள் மூலம் வாங்கிவிட்டு, அதே புத்தகத்தை வாடிக்கையாளர் ஆண்டிராய்ட் டிவைஸில் படிக்கமுற்பட்டால் அப்போதும் புத்தகம் அவருக்குக் கிடைக்கவேண்டும் அல்லவா? வாடிக்கையாளர் எங்களுடைய லாகின்னில் இருந்தால்தான் அது சாத்தியம். இதுகுறித்து ஆப்பிள் கவலைப்படவில்லை.

எனவே ஆப்பிள் ஒன் டச் வழியாகப் புத்தகங்கள் வாங்கும் சேவையை நாங்கள் நீக்கவேண்டியிருந்தது. ஆனால் வேறு எப்படிப் புத்தகங்கள் வாங்கமுடியும்? இப்போதைக்கு ஆண்டிராய்டில் புத்தகங்கள் வாங்கலாம். விரைவில் இணையம் வழியாக நேராகவே புத்தகங்கள் வாங்கமுடியும். அதற்கான வேலைகள் நடந்துகொண்டிருக்கின்றன. அதுவரை நீங்கள் ஆப்பிள் டிவைஸில் இதுவரை வாங்கியுள்ள புத்தகங்களை மட்டுமே படிக்கமுடியும்.

3. இணையக் கடை: அடுத்த பத்து நாட்களுக்குள் இது வழக்கத்துக்கு வந்துவிடும். இணையத்தில் வேண்டிய மின் புத்தகத்தை வாங்கிவிட்டு, ஐஓஎஸ் அல்லது ஆண்டிராய்ட் டிவைஸில் NHM Reader App கொண்டு அவற்றைத் தரவிறக்கிப் படிக்கலாம்.

இப்போது ஒரு வாடிக்கையாளராக உங்களுக்குப் பல குறைகள் தென்படலாம். தேடுதல் ஒழுங்காக வேலை செய்யாது. ஒரு புத்தகத்தைத் தொட்டுவிட்டு ஒரு சில விநாடிகள் நீங்கள் பொறுமையாகக் காத்திருக்கவேண்டும். டிசைன் இப்போது இருப்பதைவிடப் பல மடங்கு மேலானதாக இருக்கலாம். புத்தகங்களின் ஃபார்மட் மிகச் சாதாரணமாக இருக்கும். (Bold, italics, centering போன்ற எதுவும் இருக்காது. ஒரேயொரு ஃபாண்ட் மட்டும்தான்.) இவற்றையெல்லாம் சரி செய்வது அடுத்த கட்டம். அவை குறித்து அவ்வப்போது உங்களுக்குத் தெரிவிக்கிறேன்.

5 comments:

  1. Dear Mr Badri

    Do you know if anyone is working on a project like audible.com in Tamil?
    And if we have to start that project, is there a marketing research company that you can recommend to study the market and make a recommendation on the success of such a project in Tamil Nadu, and expand to other languages?
    Thanks for your help.

    ReplyDelete
  2. Badri, eagerly waiting for buying books online and reading it my ipad.
    NHM reader is the first app that I downloaded as soon as I got my ipad was grossly disappointed that I can buy books from ipad, hoping to see the online stores soon

    ReplyDelete
  3. I still see 18 titles in your online store. Is it correct or something wrong with my id?
    When are you planning to update the translated book of B Rangan's mani rathnam book in online store?

    ReplyDelete
  4. Eagerly awaiting for this. Reading Tamil books on e-readers is a pain. First I have to work around the lack of font support. Then reading the book as a PDF has its limitations.
    Just a suggestion - why not partner with FlipKart as they already have their app (Flyte) successfully running on multiple platforms?

    ReplyDelete