Wednesday, July 29, 2009

ராமச்சந்திர குஹாவின் ‘இந்திய வரலாறு - காந்திக்குப் பிறகு’

ஞாயிறு, 2 ஆகஸ்ட் 2009, காலை 11.00 மணிக்கு, சென்னை, நுங்கம்பாக்கம், லேண்ட்மார்க் (அபெக்ஸ் பிளாஸா) புத்தகக் கடையில், ராமச்சந்திர குஹாவின் ‘India After Gandhi’ புத்தகத்தின் தமிழாகத்தின் முதல் பாகம் வெளியீடு நடைபெற உள்ளது.

குஹா கலந்துகொண்டு புத்தகத்தைத் தான் எழுதியது பற்றி விவரிக்கிறார். ஆ.இரா.வேங்கடாசலபதி புத்தகத்தைப் பற்றியும் அதன் தமிழாக்கத்தைப் பற்றியும் பேசுகிறார்.

இப்பொது வெளியாவது புத்தகத்தின் முதல் பாகம் மட்டுமே. இது 640 பக்கங்கள் (நூலின் பின்குறிப்புகளுடன் சேர்த்து), விலை ரூ. 250. புத்தகத்தின் தமிழ்த் தலைப்பு: ‘இந்திய வரலாறு - காந்திக்குப் பிறகு’.

இந்த முதல் பாகத்தில் மூன்று பகுதிகள் உள்ளன. முதல் பகுதியில், இந்தியா சுதந்தரம் பெற்றது; இந்தியப் பிரிவினையும் படுகொலைகளும்; சுதேச சமஸ்தானங்களை இந்திய யூனியனுடன் ஒன்றிணைப்பது; காஷ்மீர் பிரச்னையின் ஆரம்பம்; பிரிவினையின்போது இந்தியா வந்த அகதிகளை குடியமர்த்துவது; இந்திய அரசியல் அமைப்புச் சட்டத்தை உருவாக்குவது ஆகியவை உள்ளன.

இரண்டாம் பகுதியில் முதல் இந்தியப் பொதுத் தேர்தல்; நேருவின் வெளியுறவுக் கொள்கை; மொழிவாரி மாநிலங்கள் உருவாதல்; அணைகள் கட்டுதல் மற்றும் தொழில்மயமாதல்; சட்டங்களை உருவாக்குதல்; காஷ்மீர் பிரச்னை; வட கிழக்கு பிரச்னை ஆகியவை உள்ளன.

மூன்றாம் பகுதியில், கேரள கம்யூனிச அரசு உருவானது, கலைக்கப்பட்டது; சீனாவுடனான போரும் தோல்வியும்; காஷ்மீரில் அமைதி ஏற்படுதல்; சிறுபான்மையினர் பிரச்னைகள்; நேருவின் மறைவு ஆகியவை உள்ளன.

***

அடுத்த சில மாதங்களில் இரண்டாம் பாகம் வெளியாகும். அதில் நேருவின் மறைவுக்குப் பிறகான இந்திய வரலாறு இருக்கும். அதுவும் சுமார் 600 பக்கங்களுக்கு மேல் வரும். அதுவும் ரூ. 250 விலையாகும்.

5 comments:

  1. தகவலுக்கு நன்றி பத்ரி.

    ReplyDelete
  2. Thanks..I hope it will be a good reading experience buying this.

    ReplyDelete
  3. Thanks for the information Badri. Any plans to bring out his biography of anthropologist Verrier Elwin and "An Anthropologist Among the Marxists, and other essays" in Tamil ?

    ReplyDelete
  4. இது ஒரு தேவையான புத்தகம் என கருதுகிறேன். வாழ்த்துகள் மற்றும் நன்றி...

    ReplyDelete
  5. மிகவும் நல்ல விஷயம். அடுத்த வருடம் பேப்பர் பேக் எடிஷன் போடுகிறீர்களா ?

    ReplyDelete