இலக்கியவாதிகளின் மறைவு

சமீபத்தில் இறந்த இரண்டு முக்கியமான இந்திய இலக்கியவாதிகள்:

• அம்ரிதா பிரீதம் (ஆகஸ்ட் 31, 1919 - அக்டோபர் 31, 2005), பஞ்சாபி எழுத்தாளர், ஞானபீடம் 1981, சாஹித்ய அகாதெமி 1956. இதைத் தவிர மைய அரசின் பத்ம ஸ்ரீ, பத்ம விபூஷண் விருதுகளைப் பெற்றிருக்கிறார். ராஜ்ய சபா உறுப்பினராகத் தேர்ந்தெடுக்கப்பட்டிருக்கிறார்.
• நிர்மல் வர்மா (ஏப்ரல் 3, 1929 - அக்டோபர் 25, 2005), ஹிந்தி எழுத்தாளர், ஞானபீடம் 1999, சாஹித்ய அகாதெமி 1985. மைய அரசின் பத்ம ஸ்ரீ விருது பெற்றிருக்கிறார்.

எழுத்தைப் பொருத்தமட்டில், மறைந்த சுந்தர ராமசாமி (மே 30, 1931 - அக்டோபர் 15, 2005) மேற்குறிப்பிட்டவர்களுக்குக் கொஞ்சமும் குறைந்தவரில்லை. ஆனால் அவரது துரதிர்ஷ்டம், தமிழ் தன் எழுத்தாளர்களை அந்த அளவுக்குப் பாராட்டுவதில்லை.