ஓப்பன் ஆஃபீஸும் தமிழ் யூனிகோடும்

என்னுடைய வீட்டில் உள்ள கணினியில் எக்கச்சக்கமான பணம் கொடுத்து வாங்கிய மைக்ரோசாஃப்ட் ஆஃபீஸ் 2000 உள்ளது. அதில் யூனிகோட் தமிழில் அடித்தால், லதா எழுத்துருவைப் போட்டால் சொல்லுக்கு சொல் தேவையில்லாத இடைவெளி. இணைமதி போன்ற எழுத்துருக்களைப் பயன்படுத்தினால், உகர, ஊகார, எகர, ஏகார, ஐகார, ஒகர, ஓகார, ஔகார (ouch!) உயிர்மெய்கள் அத்தனையும் அம்பேல். மைக்ரோசாப்ட் ஆஃபீஸ் 2003 வாங்கவேண்டுமாம். போங்கடா திருட்டுப் பசங்களா என்று பேசாமல் இலவசமாகக் கிடைக்கும் ஓப்பன் ஆஃபீஸ் 1.1 ஐக் கீழிறக்கி எ-கலப்பை கொண்டு அடிக்க ஆரம்பித்தால் அருமையாக வருகிறது. அதிலும் லதா எழுத்துரு சரியாக வருவதில்லை. இணைமதிதான் சரியாக வருகிறது. மற்ற தமிழ் யூனிகோடு எழுத்துருக்களை இனிமேல்தான் கீழிறக்கி சோதனை செய்து பார்க்க வேண்டும்.

அத்துடன் கூட PDF முறையில் கோப்புகளை சேமிக்கவும் வாய்ப்பு உள்ளது. இதன் மூலம் நாம் உருவாக்கும் தமிழ்க்கோப்புகளை தமிழ் எழுத்துருவே இல்லாத ஒருவருக்கு PDF முறையில் அனுப்பி விடலாம்.