Wednesday, February 08, 2006

தமிழகத்துக்கான பண்பலை அலைவரிசை ஏலம்

தென் மாநிலங்களுக்கான பண்பலை வானொலி அலைவரிசை ஏலம் சென்றவாரம் முடிவடைந்தது. தமிழகம், புதுவையில் மொத்தமாக ஏழு நகரங்களில் (பாண்டிச்சேரி + ஆறு தமிழக நகரங்கள்) அலைவரிசை ஒதுக்கப்படவுள்ளது. இவற்றுள் மூன்று இடங்களில் ஏற்கெனவே தனியார் வானொலிகள் நடைபெற்று வருகின்றன.

சென்னை: ஏற்கெனவே இருக்கும் சூர்யன் எஃப்.எம், ரேடியோ மிர்ச்சியுடன் புதிதாக ஏலத்தில் வென்றவர்கள் - ரேடியோ மிட்-டே, அனில் அம்பானியின் ஆட்லேப்ஸ் ஃபில்ம்ஸ், ரேடியோ சிட்டி, தினமலர், குமுதம், முத்தூட் ஃபைனான்ஸ்.

கோவை: ஏற்கெனவே இருக்கும் சூர்யன் எஃப்.எம்முடன் புதிதாக ரேடியோ மிர்ச்சி, ரேடியோ சிட்டி, தினமலர்

மதுரை: புதிதாக வென்றவர்கள் - சூர்யன் எஃப். எம், ரேடியோ மிர்ச்சி, தினமலர்

திருச்சி: சூர்யன் எஃப்.எம், தினமலர்

திருநெல்வேலி: ஏற்கெனவே இருக்கும் சூர்யன் எஃப்.எம்; புதிதாக ஆட்லேப்ஸ் ஃபில்ம்ஸ், தினமலர், செஞ்சுரி கம்யூனிகேஷன்ஸ்

தூத்துக்குடி: புதிதாக சூர்யன் எஃப்.எம், தினமலர், செஞ்சுரி கம்யூனிகேஷன்ஸ்

பாண்டிச்சேரி: புதிதாக சூர்யன் எஃப்.எம், தினமலர், ஆட்லேப்ஸ் ஃபில்ம்ஸ்

ஆக ஏழு இடத்திலும் சூர்யன் எஃப்.எம், தினமலர் அலைவரிசைகள் இருக்கும். இதில் தினமலர் Worldspace Radio செயற்கைக்கோள் வானொலியில் ஏற்கெனவே ஒரு நிலையத்தை இயக்கி வருகிறது என்பதையும் கவனிக்க வேண்டும்.

பல மாநிலங்களிலும் அந்தந்த ஏரியா செய்தித்தாள் தாதாக்கள் அலைவரிசைகளைப் பெற்றுள்ளனர். கேரளத்தில் மலையாள மனோரமா, மாத்ருபூமி இருவரும்; வட மாநிலங்களில் தைனிக் பாஸ்கர், தைனிக் ஜாக்ரன் இருவரும். ஆனால் இந்தியா முழுமைக்கும் என்று பார்க்கும்பொது சன் குழுமம், ஆட்லேப்ஸ் ஃபில்ம்ஸ் இரண்டும்தாம் முன்னிலையில். தொலைக்காட்சியில் இல்லாவிட்டாலும் ரேடியோவில் national footprint சன் குழுமத்துக்குக் கிடைக்கப்போகிறது. வாழ்த்துகள்.

2 comments:

  1. ITHU ETHIL POI MUDIYUM.....

    ReplyDelete
  2. ஸ்டாலின் அல்லது மாறன் அடுத்த பிரதமர் என்பதில் போய் முடியும் அமீது...

    (கலைஞர் தொனியில் படிக்கவும்).

    ReplyDelete