Wednesday, November 05, 2008

செய்யும் தொழிலை சப்பட்டையாக்கும் பஞ்சர்பாண்டி

அமெரிக்க எலெக்ஷன் முடிவுகள் அறிவிக்கப்படும் நிலையில், பராக் ஒபாமாதான் வெற்றி பெறுவார் என்று கிட்டத்தட்ட மெக்கெய்ன் தவிர அனைவருமே ஒப்புக்கொண்டாகிவிட்டது.

ஜார்ஜ் புஷ் + பொருளாதார வீழ்ச்சி + கடன் நெருக்கடி என்று எல்லாமாகச் சேர்ந்து மெக்கெய்னை வீழ்த்தியுள்ளது என்று ரிபப்ளிகன் கட்சி ஆசாமிகளே தொலைக்காட்சியில் வந்து சொல்ல ஆரம்பித்தாயிற்று. அத்துடன் செனேடர் தேர்தல், உறுப்பினர் சபை தேர்தல் என்று அனைத்திலும் ரிபப்ளிகன் கட்சிக்கு அடி, உதை.

சன்னாசி, ஆலிவர் ஸ்டோனின் 'W' என்ற படத்துக்கு எழுதியுள்ள விமரிசனத்தில் ஜார்ஜ் புஷ்ஷை, “செய்யும் தொழிலையெல்லாம் சப்பட்டையாக்கும் பஞ்சர்பாண்டி” என்று வர்ணிக்கிறார்.

ஈராக் முதற்கொண்டு அமெரிக்கப் பொருளாதாரம்வரை சப்பட்டை பஞ்சர்பாண்டி உருவாக்கியிருக்கும் உலக மகா சொதப்பல்களை, பராக் ஒபாமா என்ற அதிக அனுபவம் இல்லாத ஒருவர் எப்படி சமாளிக்கப்போகிறார் என்பது அடுத்த நான்கு வருடங்களுக்கான ஹாலிவுட் திரைக்கதை.

ஒபாமாவின் அமைச்சரவை அணி எப்படிப்பட்டதாக இருக்கும்? ஒபாமாவின் பொருளாதாரத் திட்டங்கள் எவ்வளவு வேகமாக அடிபட்ட அமெரிக்காவுக்கு ஆயிண்ட்மெண்ட் தடவிவிடும்? வெளியுறவுக் கொள்கையில் முரட்டுத்தனம் காட்டாமல் எந்த அளவுக்கு அமெரிக்கா பண்புடன் நடந்துகொள்ளும்? ஈராக்கிலிருந்து எவ்வளவு வேகத்தில் படைகளைச் சுருட்டிக்கொண்டு வெளியேறும்? அமெரிக்கர்களின் ஊதாரித்தனத்தைக் குறைப்பதில்; வர்த்தகப் பற்றாக்குறையைக் குறைப்பதில் எந்த அளவுக்கு முயற்சிகளை எடுக்கும்? பிரச்னை பூமிகளில் எண்ணெயை ஊற்றுவதற்கு பதில் தண்ணீரை ஊற்றி அணைக்க எந்த அளவுக்கு ஆயத்தங்களை மேற்கொள்ளும்?

4 comments:

  1. Thought a related link worth looking into

    http://www.indianexpress.com/news/barack-obamas-kashmir-thesis/380615/

    ReplyDelete
  2. பொருத்திருந்து பார்ப்போம்...ஓபாமா அடுத்த FDRஅ இல்லை புஷ்ஷா?

    ReplyDelete
  3. Let us hope Obama presidency proves to be refreshingly different from Bush's and usher in peace in the world. He needs all the luck and wisdom.

    ReplyDelete
  4. //"செய்யும் தொழிலை சப்பட்டையாக்கும் பஞ்சர்பாண்டி"
    //

    இந்த வார்த்தைகளை அதிகமாகவே ரசித்தேன் !!

    ReplyDelete