Tuesday, May 11, 2004

தேர்தலில் முதல் பலி சந்திரபாபு நாயுடு

ஆந்திரப் பிரதேச சட்டமன்றத் தேர்தலில் சந்திரபாபு நாயுடு தலைமையிலான தெலுகு தேசம் செம அடி வாங்கியுள்ளது. இது கருத்துக்கணிப்பில் ஏற்கனவே தெரிந்திருந்ததுதான். தோற்றுப்போனது ஏன் என்று நாயுடுகாரு கண்டறியும் முன்னர், ஆந்திராவில் அடுத்த ஒரு வருடத்தில் என்ன நடக்கும் என்ற என் கணிப்பு இதோ:

1. ராஜசேகர ரெட்டி சோனியாதான் முதல்வரைத் தேர்ந்தெடுப்பார் என்று சொல்வார்.
2. சோனியா ஒன்றிரண்டு கண்காணிப்பாளர்களை ஆந்திரா காங்கிரஸ் சட்டமன்ற உறுப்பினர் கூட்டத்திற்கு அனுப்பி, ராஜசேகர ரெட்டியை முதல்வராகத் தேர்ந்தெடுக்குமாறு செய்வார். சட்டமன்ற உறுப்பினர் கூட்டம் கூடி, சோனியா காந்தி யாரை வேண்டுமானாலும் தேர்ந்தெடுக்கலாம் என்று முடிவு செய்து முழு உரிமையையும் அவருக்கே கொடுத்து விடும். இப்படி முன்னும் பின்னும் முடிவெடுத்தபின், ராஜசேகர ரெட்டி ஒருவழியாக முதல்வராவார்.
3. நான்கே மாதத்தில் ரெட்டிக்கு எதிராக நான்கு பேர் கோஷ்டிப்பூசல் செய்ய முற்படுவர். இரண்டு புது ஆசாமிகளாவது முதல்வர் பதவி வேண்டும் என்று சண்டை போடுவர்.
4. காங்கிரஸ் தெலுங்கானா தனி மாநிலமாகப் பிரிய அனுமதிக்காது. அதற்காக நிறையப் போராட்டங்கள் வரும்.
5. நக்சலைட்டுகள் ரெட்டி போகும் காருக்குக் கண்ணி வெடி வைப்பர். யார் முதல்வரானாலும், எந்தக் கட்சி பதவிக்கு வந்தாலும் நக்சலைட் பிரச்சினையை சமாளிக்கக் கூடிய திறமை இருக்கும் என்று எனக்கு நம்பிக்கையில்லை.
6. ரெட்டி விவசாயிகளுக்கு இலவச மின்சாரம் கொடுப்பார். கஜானா காலியாகும். ஆனால் விவசாயிகள் என்னவோ தற்கொலை செய்து கொண்டுதான் இருப்பார்கள்.
7. சந்திரபாபு நாயுடு வாங்கிவைத்துவிட்டுப் போன கடன் சுமையை ரெட்டியால் தாங்க முடியாது. அதனாலும், மேற்படி இலவச மின்சாரத்தாலும், ஆந்திராவின் fiscal deficit கொடுமையாக இருக்கும். ஆந்திராவின் வளர்ச்சி வெகுவாக பாதிக்கப்படும். இதற்கிடையில் தெலுங்கானா பிரிவு என்று வந்தால் எந்த விகிதத்தில் கடன்களைப் பிரித்துக் கொள்வார்கள் என்பது பார்க்க சுவையாக இருக்கும்.

8. அடுத்த தேர்தலில் சந்திரபாபு நாயுடு மீண்டும் பதவிக்கு வருவார்.

4 comments:

  1. நீங்கள் சொல்லி இருப்பது நிச்சயமாக நடக்கப்போகும் விஷயம்.

    ReplyDelete
  2. Badri, a realistic forecast about the future in AP. Its going to be a tough and challenging task for the new CM. I hope Congress does not get into its usual intra party fights over power sooner or later. The victory margin is really surprising. I am not for landslide victories like this because it will not help for consensus on key issues. But, its not surprising that Babu lost. I expected it in the last elections itself.

    ReplyDelete
  3. Badri, a request. Why dont u do commentary and analysis of election results as and when they are available. Thanks.

    ReplyDelete
  4. a very pertinent post--raviaa

    ReplyDelete